Meri Ankhon Ke Samandar

Meri Ankhon ke samandar mein jalan kaisi hai
aaj phir dil ko tarapne ki lagan kaisi hai

ab kisi chahat pe charagon ki qatarein bhi nahin
ab tere shehar ki galiyon mein ghutan kaisi hai

baraf ke roop mein dhal jayeinge saare rishtey
mujh se poochho mohabbat ki agan kaisi hai

mein tere wisal ki khuwahish ko na marne doonga
mausam-e-hijar ke lehje mein thakan kaisi hai

regzaron mein jo banti rahi kaanton ki rida
us ki majboor si aankhon mein kiran kaisi hai

Mujhe Masoom si Pagal Larki Pay Taras ata hai
usey dekho to mohabbat mein magan kaisi hai

---

Tumhain Dil Say Bhulatay Hain

Tumhain Dil Say Bhulatay Hain Tu Aankhain Khoob Rooti Hain
Dard Dil Main Jagatay Hain Tu Aankhain Khoot Rooti Hain

Tumharay baad Chahat K Sabhi Punchi Uray Janaan
Kahin Bhi Dil Lagatay Hain Tou Aankhain Khoob Rooti Hain

Teri Tasweer, Adhooray Khat Tu Jala Diyey Hum Nay
Ab Paani Pay Naqsh Banatay Hain Tu Aankhain Khoob Rooti Hain

Ghata Aawargi Main Jab Siyah Choola Pehanti Hai
Parinday Jab Satatay Hain Tou Aankhain Khoob Rooti Hain

K Jab Bhi Shaam Dhalti Hai Meri Qismat K Sab Taray
Falaq Par Jagmagatay Hain Tu Aankhain Khoob Rooti Hain

Sard Tareek Raaton Main Siyah Sawan Ki Barish Main
Dard Jab Muskuratay Hain Tu Aankhain Khoob Rooti Hain

Sahil Ki Woh Mitti K Jis Pay Khoon Hathoon Say
Wafa Likh Kar Mitatay Hain Tou Aankhain Khoob Rooti hain

---

Suno Tum laut Aao

Suno tum laut aao na woh dekho chaand nikla hai
Sitaare jagmagaye hain,hamari muntazir aankhein

Duaein mangti hain aankhein tumein hi sochti hain aankhein
Tumein hi dhoondti aankhein,tumein wapis bulati hain

Yeh dil jab bhi dharhkta hai tumhara hi naam leta hai
Yeh aansoo jab bhi behte hain tumhare dukh mein behte hain

Ka barish jab bhi hoti hai, tumein yaad karti hai,khushi koi jo aaye bhi
Tumhare bin adhoori hai suno tum laut aao na



Next Page >>